![[中量劇透]海賊王劇場版-最強之敵-Z...](https://lh3.googleusercontent.com/blogger_img_proxy/AEn0k_suZHNbdweGiKrzCeA5l0FK8bx8ndzwD0ilH1VlGJuugBME5cpPdmFFLa1DwZuQClxKHWsLHzESc4D8LaOH_MmKVy2lohIXG_HTrAbW_wlBPBLu4k0rdUHSqK_B2q5bcPWM1eUeW0PRhU8GjV1pEEeeVoqLbf06sg=s0-d) | [中量劇透]海賊王劇場版-最強之敵-Z
終於PPS都有先行版,雖然冇去戲院睇對唔住尾田對唔住製作組
但係真係唔想等電影-.-
所以在此對狂熱OP fans 同 支持應該要入戲院睇既朋友講聲唔好意思
講番劇情,有感人同熱血既地方,不過都依舊係有好多吐槽點= =
今次路飛去搵Z原意係想幫太陽號報仇+攞番頂草帽
但係到左後期只係為左拎番頂帽而唔係打交(雖然都打左,如果唔係邊有野睇
中期不斷輸比Z既劇情就唔講啦,到成套戲最後40分鐘果段.
船工廠大叔果D武器同上次劇場版10金獅子一樣-.-打打下唔見哂影
然後Z大叔同路飛打完交,經過一輪男子漢既拳頭交流之後
好似明白左人生應該去做自己想做既事既道理(?
然後比青雉隔開左佢地(我當時心諗,你係度做乜?!你簡直同anivia坑隊友一樣!)
但係後尾諗真d應該係唔想佢d部下衝過去救佢所以先咁做
不過我又好奇怪點解路飛唔去救佢喎,唔通係幫太陽號報仇!?(XD
正常以路飛既性格應該會咁做先伸手捉住冰牆,飛過去,同Z講幫佢手
跟住黎場大混戰,但係最後Z大叔衝過去比人殺左
路飛嬲,開3檔對住海軍用武裝色霸氣亂掃,變細,撤退,END
正常咁樣我覺得結局Z大叔死左會比較牽動觀眾既情緒多d
講番感人位,最後到左Z個墓前,影番路飛個拳頭印果度,差D就流馬尿(T^T
就好似兄弟們認可對方既碰拳一樣(咩火影呀HxH 其他王道漫畫都有既方案
但係我發覺OP從來冇呢樣野(又或者有但我冇察覺?)
總括黎講,我覺得今次既劇場版有見到誠意係入面
可能有人覺得又係用番呢D,咁老套都叫誠意??但係至少我認為係OP入面
海賊可以同海軍建立到既友情真心唔多(由其係原本憎恨海賊既前大將
所以...如果你睇到黎呢到我多謝你浪費左一至兩分鐘時間爬文
或者你可以係下面比個留言分享下你睇完有咩感想啦~ |
